قصة العالم من1850 الى 2015

فديوم اني دا افتر بالصحراء سنه 1850 يعني بوكت عمر المختار فاني دا افتر بسيارتي (بي ام دبليو مال باتمان 2010!!! اي عادي ماكو فد شي غريب لتتعجبون ) فشفت عمر المختار ديطربك بالحصان مالتة هوة وجيشة فسلمت عليهم وكتلهم شباب خوما محتاجين مساعده كال اي والله دا داور على واحد اسمه ابراهيم يكولون عنده فد شي اسمه سياره كتلة حبي وصلت كول جان يكلي محتاجك بشغلة صغيرة كولش كتلة خير كال اريد اطلع الايطاليين من ليبيا كتله ماكو اسهل منهه هاي كال اشلون كتله بس دليني مواقعهم العسكرية فدلاني عليهم فرحت بالسيارة مالتي للموقع الاول جان ادوس دكمة بالقميص مالتي جان اصير خماسي جان انقسم 5 اجزاء وهجمت على الموقع الفرنسي الاول وما اجذب عليكم ملخوووووني استلموني بالدوشكات و المخاديد !!! جان اضرب 50 صاروخ عليهم ودمرت المعسكر الاول وبنفس الطريقة دمرت الثاني جان يكولون الحك عمر المختار كمشوه الايطاليين
اني جان تصعد عدي الغيرة فوووووووووووول جان اخذ حصان وطربط طربك وصلت للسجن مال عمر المختار فتت على القائد الايطالي بالمعسكر كتلة صدك جذب شسويت بنفسك اليوم اهلك اصمطهم
المهم ما اطول عليكم طلعت عمر المختار من الاسر جان يكومون جماعة عمر المختار يصيحولي سيدي
جان اروح لروسيا بالحصان استغرقت الرحلة حوالي يومين ونص اتذكر جان الكيج مال الحصان يقرة 350 كم بالساعة المهم فتت بروسيا جانت درجه الحرارة 10- اني ثلجت فجان ادوس كمة من دكم القميص جان البس قبوط والحصان لبسته بطانيات حتة ليبرد جان اروح لمحل يبيع سلاح المهم اخذت من المحل 3000 بي كي سي و 1000 عبوة ضد الدبابات الايطالية و 1500 نص اخمس و اشتريت 200 لغم ارضي و اشتريت منه 10000 درع ضد الرصاص واقي كامل للجسم لجنودي و اخذت وياهن صاروخين نوووووووووووووووي حتة خاف يضيمني الضيم والله ليجذبني ( لا يابة حجيك كله صدك )
اشتريت منه 4000 قناص وطبعا اشتريت 500000000 طلقة حتة ليخلص العتاد واخذت 90000 رمانه يدوية للحاجة المهم اشتريت 10 لوريات ام ال 100 طن وحطيت بيهن السلاح ( طبعا يادوبك كفن ) المهم رجعت الى ليبيا بعد مدفعت رشواة لكل اليشتغلون بالحدود من روسيا الى ليبيا وطولت الرحلة حوال شهر المهم وزعت السلاح على الجنود وقدتهم الى المعارك العنيفة مع الجيش الايطالي جان عندي 12500 جندي يعني فرقة المهم قسمتهم الى 5 مجاميع الاول 1000 جندي ويقودهم عمر المختار و الثانية 2000 جندي و يقودهم الضاهر بيبرس و الثالثة 3000 جندي ويقودهم صلاح الدين و الرابعة 4000 جندي هذولة اني اقودهم و الخامسه 2500 جندي ويقودهم خالد ابن الوليد ( خطية خالد ابحياتة مخصر معركة !!) المهم كدرنه نحرر ليبيا بس حرامات عمر المختار استشهد و وراها مجموعة عمر المختار صاروا تحت قيادتي المهم دزيت الضاهر بيبرس على الوطن العربي كله ماعدى القدس هاي دزيتلهة صلاح الدين ( بفلم kingdom of heaven ) وخالد ابن الوليد دزيته على اوربا و اني عبرت وية خالد على اوربا المهم احتلينة اوربا كلهة ورة 40 سنه يعني 1890 بس روسية هية حليفتنة اصلا لان منهة السلاح و وراها دزيت صلاح الدين والضاهر بيبرس على شرق اسيا حرروهة ورة 5 سنوات لان هواية قاوموا و وراها عبرنه على امريكة الشمالية والجنوبية سبح طبعا لان معرفنة شلون نسوي زوارق و جان عدنة بس سيوف لان صارت ثورة سنة 1896 بالصين واليابان وامتدت الى اوربا حروكوا بيهة كل السلاح وضلينه على السيوف طبعا جنودي صاروا بس 3000 جندي كل الجيش!! و بقينة اني وصلاح الدين وخالد ابن الوليد لان الضاهر بيبرس استشهد بتايوان طبعا اول موصلنة لامريكا تعبانين جان تلكة طليان 100 طلي ذبحناهن واكلناهن كلهن و ارتاحينه 10 تيام لان متنه تعب من السبح وصارت معارك بحرية وية القروش واشتعلت الدنية مات من عدنه 40 واحد اكلهم السمج والتماسيح المهم ما اطول عليكم السالفة كدنه نحتل كل العالم سنه 1910 وبقة عندي بس 100 جندي و خالد ابن الوليد لان صلاح الدين استشهد بكليفورنيا ( لعند كبر منو الي بسوريا!!! ) قررت ارجع للعراق يم اهلي لان تعبت كضيتهة حروب ومارك لمعدة 60 سنه من عمري اني رجعت للعراق سنة 1913 جان بريطانيا قرروا يغزون العراق ( لعد مو احتليتهم !! ) المهم رحت على الملك العثماني وكتله اني هيج وهيج واريد اصير قائد الجيش العراقي جان اصير قائد الجيش العراقي واتصديت لبريطانيا لمده 4 سنوات جان اتصير الحرب العالمية الاولى فكلت لازم انشارك ونسوي النه تاريخ قووووووووووووي فنتصرنا بالحرب وخلصت الحرب العالمية الاولى و اني انتضر فد حرب فطلهت حررت الوطن العربي ورجعت للعراق سنة 1935 جانت اكو حرب باردة بين روسيا والمانيا فرحت لهتلر كتلة يول لتلعب بذيلك لان تروح بالزلك كالة معليك بيه جان اضربه بعجل عدلتله وجهة وكتلة يول لتصير غبي وتسوي حرب وتخصر مثل الزمااااااااال كال لا وحرررررررن
المهم صارت الحرب العالمية الثانية سنة 1939/9/11 فخابرت هتلر بتليفوني ( الدمعة نفسة لان اني عندي دمعة ) جان يكول هتلر اني راح اهجم الكرة الارضية و اروي العالم منو اني كتلة زين اني اعلمك جان اسد التليفون ابوجهة وانتضرت الحرب لحد سنه 1943 فهتلر ضرب بريطانيا وخلاهه تصوصي سوه هجمه سماهة هجمه النسر قادهة المارشال الالماني هيرمان كورنك طبعا قبل هاي الهجمة خابرني هتلر راد يستشيرني بالهجمة هاي اني سويت الخطط وخابرت كورنك وكتله سوي هيج وهيج و فازت هاي الخطة و صارت بريطانيا جوووووووووووولة الكل بالمجاري عايشين يخافون من القصف جان اليابان قرروا يضربوان امريكة فخابرني شن لن ين فكتلة اضربوا امريكة بجزر الهاواي يعني منطقة ميناء هاربر (بيرل هاربور ) فسويت خطة محكمة و خابرن ون ين حن قائد قوات البحرية واطيتة الخطة وكتلة اضربوا وجه الصبح ورة الحفلة مال الجيش مالهم و بالفعل ضربوا بيرل هابر مثل ما خططت و نجحت الضربة حيث قتل 4000 جندي امريكي سنة 1944 وجان تفوت امريكة للحرب وضربوا هيروا شيما نووري و نكزاكي هم نووي وجان تخصر اليابان فشالوا العلم غيروا من الشمس المشعة الى الشمس المعتهمة الي بدون اشعاع فجان اني خابرت هتلر وكتلة ترة اني راح اعوفك لان انتة زماااااااال (حشة السامع) فخابرت القياده العامة مال الجيش الامريكي واطيتهم خطة معركة النورمندي وكتلهم خل الفرقة 101 المجوقلة تنفذ العملية وخابرت جوزيف ستالن وكتلة روح حررر استالين كارد واكو عندك قناص اني مدربة وياية من سنة 1860 اسمه فازيلي زايتسييف هذة خوش قناص هذة كتل القائد الايطالي بليبيا ( بعد اني الاستاذ مالتة شتريدوا يصير ) فتحررت ستاين كارد و صقطت المانيا بالحرب وانتحروا اكثر القادة فخابرت هتلر وكتلة ها يا اغم شكتلك ابدايه الحرب مو كتلك انتة مو كدهة جان يكول خلصني يمعود كتله معليه اني كال راح انتحر كتلة طبك مررررررررررض كال زين لعد فخلصت الحرب و اني ضليت قائد الجيش العراقي وفي سنه 1948 اسرائيل احتلت فلسطين فكلت للملك غازي اريد اشارك بالحرب كال لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالا
كتلة مو هاي فلسطين شلون كال معليك المهم وراهة اسرائيل احتلت سورية لو ما اتدخل اني باخر لحضة واخذ الجيش العراقي ونروج للجولان انحررهة وخليت الجيش نصة بدمشق حتة يتصدة لسرائيل وراهة فتت بيهم كووووووووووووووووووووووووووووووووووول ( اي حبايب لحد يتعجب عادي تصير باحسن العوائل ) فجان يخابرني الملك غازي جان يكول هسة ترجع لا اسوي فد شي اندم عليه بعدين فرجعت للعراق وضليت اتفرج وارك بعصابي فجان يصير صدام رئيس العراق وجان سنه 1980 ايران اتحاشروا بينة شافا نفسم رابع جيش على العالم ( لان ضلوا يدربون جنود ويسلحون بالجيش ) جان اروح على صدام كتلة اريد اوقد الجيش لاخر مرة في حياتي كلة هاهية تدلل فقدت الجيش العراقي لمده 8 سنوات وفززززنة بالحرب سنة 1988/8/8 جان يكول صدام هذة اليوم نسمي يوم النصر الكبيررررررررر كتلة لالالالا
نسمي يوم النصر العظيم فوراها استرايحت من الجيش وسنه 1991 كال صدام نريد نحتل الكويت كتلة ليش مو ذولة عرب كال ديبيعون برميل النفط ب 17 دولار واحنة دنبيع ب 18 دولار فتكنالهم بيعوا النفط مثلنة حتة احنة هم نستفاد كالو لا كتلة هاهية اتوكل وفوت بيهم كوووووووووووووووووووول فكال اريد واحد يفتهم يسوي الخطة مال الاحتلال ماكو بس انتة تفتهم بينه كتلة اشكرك كال لا هاي حقيقة
المهم سويت الخطة واحتلينة الكويت بكل سهووووووووولة و وراها اتعاركت وية صدام وزاعلته ( كتلة اريد فرة بالبايسكل مجرد فرة بالبيسكل مرضة يطيني ) ورة اسبوع سقطت الكويت بيد امريكا امريكا حررورهم منا اني بعد زعلان جان يصير حصار علينا فسنه 2003 قرروا امريكا ان يغزون العراق جان يخابرني صدام جان يكلي مروتك يمعود كتلة ما الي اي علاقة بالحرب تتذكر شلون علمود فرة بالبايسكل المهم سديت التليفون ابوجهة ورحت نمت وضليت ورة منمت كعدت واباوع اخبار فسمعت الامريكان راح يفوتون بغداد فخابرت صدام وسويت خطة لحماية المطار (عود بعدين اشرحهة اذا اتريدوهة بالتفصيل الممل !!! لتتعجبون اني الي سويت خطة امن المطار(

فبعد معارك دامت اكثر من يومين قرروا الامريكان ان يستخدمون طياره المواب الي كانت تحمل صاروخ وزنه 10000 رطل ( يعني شكد ما اعرف لحد يسئل) و خلصت الحرب وسقطت بغداد بس وراهة خابرني صدام كالي وسفة عليك ابو خليل شلون تعوف بغداد تسقط بيد الامريكان اني كتلة لتشيل هم اني راح اتصرف ابمعرفتي فبعد سنة من السقوط يعني سنه 2004 اجتمعت بهيئة علماء المسلمين و وية مقتدى الصدر و وية تنظيم القاعدة و وية الجيش الاسلامي و وية دولة العراق الاسلامية وسوينة تنظيم جديد اسمه معا لتحرير العراق فسويت هووووووووووووووووووووواية خطط و كدرت ان اقضي على الامريكان في اكثر المناطق العراقية لحد سنه 2006 عاد خابرني جورج بوش وكالي اريد افجر الامامين العسكريين كتلة اني مالي اي علاقة اني ما اتقرب على الائمة كال لعد اني اعلمكم اني كتله الة اطلعك من الحكم بس نجحت خطتة وكدر يفجر الاماميين العسكريين (ع) وصارت الطائفية فاني جمعت القاده العندي كلهم وكتلهم مدام صار الاخ يكتل اخوه لعد شوفولنه دعم من اي دولة حتة احنة هم انبلش ( لعد شنو اني ربي وحد ) ما اطول عليكم السالفة
حصلت دعم من امريكا ومن ايران ومن السعودية ومن الاردن ومن سورية و الكويت وحتة من تركيا وسويت تنظيم جديد اسمه لا لكل بشر على ارض العراق ( الحمد لله ماعندي تفرقة !! ياهو اليوكع بيدي احمسه ) جان عدد التنضيم الي اني اقوده حوالي 8000 جندي طبعا سويت النه قرى احتليناهن و كعدت 4000 جندي في محافظة السماوه و 4000 جندي في صحراء الانبار و كمت ما اخلي الطير يفوت من فوك القرى مالتنه ففد يوم كشفو مواقعنة الامريكان
اني بوكتهة جنت ساجنت 400 جندي امريكي اسرتهم و 100 سني و 100 شيعي و 100 كردي و100 صبي و 100 مسيحي و100 هاي حيوانات طليان علة بعران علة هوايش يعني مشكل يا لوز
بس شنو بالتساوي فه الامريكان رادوا يسوون هجوم مباغت اني شمسوي ؟؟؟ شغلت 300 جندي من جنودي مترجمين و سواق تريلات حتة هم يجيبون معلومات وهم يجيبون فلوس من الامريكان
المهم اني بساعتهة خابرت اثنين واحد ايراني و واحد سعودي هذولة اكبر تجار سلاح بالشرق الاوسط واتفقت وياهم على ان يجلبون لي السلاح خلال 24 ساعة المهم وصل السلاح
فلغمت 1 كيلو متر من جميع الاتجاهات يعني سويت دائرة على القرية مالتي و بالشوارع مال القرية ( طبعا القرية عصريةجدا من النظافة الى احسن شي بيهة عمارات و مستشفيات كلشي جديد ) الفلوس تبدل النفوس
فحطيت بكل راس شارع يعني كل 100م عبوه هاي الايرانية ونصبت بين الاشجار بيكيسيات صغار نحاس و رصاص حتة ميكشفهن الرادار فهجموا الامريكان علينه ورة 5 تيام
طبعا احنه متهايئين و جبت الجنود مال القرية الثانية فصرنة 8000 وجان الامريكان هاجمين علينه ب 10000 جندي و 2000 همر و 1000 دبابة و 30 طيارة هلكوبتر
(هاي حسب معلومات الجواسيس مالتي)
المهم صارت ساعة 12 باليل جيشي جاهز و القرية محصنة اقوى التحصين صارت ساعة 1 باليل جان يهجمون الامريكان و اني بس اسمع صوت الانفجارات
جان يصيرون على بعد 100م من القرية جان اكول للشباب حضروا حالكون اقتربوا اكثر الامريكان جان اطي الاشارة الخضراء للمصادمه (كل انواع الاسلحة عندي ) فبدت المواجهات
من ساعة 1 ونص لحد ساعة 10 الصبح (طبعا كل ساعة يجون تعزيز 1000 جندي امريكي و احمسهم !!! لحد يتعجب عادي عادي زلاطة) وراه بعد مئجة ولا امريكي للقرية مالتنة بس
حرامات القرية خربت و استشهد مني 3507 شهيد خطية بس احنه انتصرنة لان الامريكان مطلع منهم ولا واحد لا طيارة ولا دبابة ولاهمر و لاجندي المهم رجعت الى الاسرى العندي
الامريكان كلهم ذبحتهم و العراقيين كلهم جندتهم وياية فصار عددنه 5000 و وراهة انسحبوا الامريكان من العراق واني سويت انقلاب رئسا على الحكومة (هسة تسألون لعد الجيش العراقي وين جان ) اني جنودي مدربين احسن التدريب كلهم قناصة و تدريبات قوات خاصة ورمي
وتعبان عليهم حيييييييييل يعني جنود جنود مو هيجي فصرت رئيس وزراء العراق و جنودي صاروا الحماية الشخصيين مالتي وصار العراق امان وطبعا اني مخليت ولا عالم دين بالعراق كلهم ذبحتهم شلع
حته لحد يفتي بكيفة ( ههههههههههههه !!! دوخوني من حطيتهم مستشارين ناس اتجر بالطول وناس اتجر بالعرض فأمرت باعدامهم كلهم ) و الوقف السني و الوقف الشيعي عزلتهن وفتحت وزارة الاوقاف العراقية
و سويت دستور النقطة الاولى تكول الي يتكلم بالطائفية اعداااااااااااام ما بيهة اي كلام
و باقي النقاط حسب مصلحتي الشخصية ( يعني لازم اني استفاد لعد مسوي اقلاب وخابص نفسي على شنو؟؟) وهسة العراق احسن دولة بالعالم كل البشر على الكرة الارضية يتمنون يصيرون عراقيييييييين
يتمنون ياخذون الجنسية العراقية والجيش العراقي هسة مرتبتة الاول على العالم لان اني اشرفت على تدريبهم و اخيرا هسة اني عمري 2015 سنه

و بالمناسبة هسة سنه 2015