قررت انا هجرك وقررت انســـاك
وسديت باب كنت لك هو بنـــيته
ماني بمثل اول احبك واهـــواك
ليت حبي مات من قبل ليتـــه
خلك تحسف موت من حر ماجاك
ياواحسافه على حبي اللي عطيته
----------------
بكرةإذاقال القدرفي دنيتي قوله
وأرخيت جفني على مركبه وشراعه
الموت بكرةإذا عانقت مرسوله
وأهديت له كل عمري وداعه
وصلتك أوراق بحروف الدم مكتوبه
وتصرخ ياليت ماضيقت صدر(فلان)ساعه
----------------
الله يرحم حبنا اللي قتلتـــيه
جفت دمومعي والبقا في حيــاتك
ياللاسف كل الاسف مابكيتيه
انتي الغرور اعماك مع حب ذاتك
انتي بديتي الحب وانتي نهيتيه
اقري عليه الفاتحه في صـــلاتك
مرة لبستي الحب مره فصختيه
هذا الهواؤ لاتحسبينه عبـــاتك
------------------
خلاص كرهتك وأنا اليوم ناسيك ...
ولا تظن نسيانك خساره ....
نسيتك وألف كره بطاريك ....
وتأكد زوالك بقلبي بشاره ...
إرحل.. شفلك طيف يخاويك ...
أو خاين يرحبك في وسط دااره
-----------------
أخطيت يوم اني طلبت حنانك
لاصرت فاقد الشي وش لون تعطيه ؟
مهما نطق لي بالمشاعر لسانك
بدون إحساس صعب أقتنع فيه
إحساسك المصنوع خنته وخانك
جاملتني به وانت تجهل معانيه
---------------
أقبل انا نقدك ولو فيــه توضيح
واقبل انا رأيك ولو كان فيني
ولا اقبله لو فيــه شتم وتجريح
كله سبايب عزة النفس فيني
----------------
خدعتيني بكلماتك
من اول ماتلاقينا
قلتي يااغلى الناس
احبك حيل صدقني
وصدقتك وانا مادري
عن الحب اللي تخفينه
مشيت دروب كذباتك
وشوفي وين ودتني
---------------
ما وضعت ايدي على خدي وبكيـت
لا ولا بيـن فـي عيـنـي جـفـاك
لا ولا تحسب انـي بعـدك شكيـت
قبل ما تنسى كل شي فينـي بنسـاك
حتى قلبي قـال عـن حبـك مليـت
وما عاد يعنيني اليـوم حتـى لقـاك
ما يهمني والله جفـاك يـوم جفيـت
ولا عاد والله ينشغل تفكيري في هواك
انتهـى حبـك مـع حبـي انتـهـى
وانتهـت قصـة مأساتـي مـعـاك
----------------
تحسب إني بغيابك بذكرك في كل حزه,,
وأتندم وأبوس راسك!
للأسف كنت(سقارة) تنتهي في كم مزة,,
وانتهيت وما(طفيتك)
واختنق غيري وداسك
------------
قصدك اني اتنازل لك واجيك
وانحني من عقب ماقلت الوداع
مثل ما انته ماتبيني ما ابيك
المحبه مابها غش وخداع
روح دور لك على غيري شريك
وارتحل بالهم في دنيا الضياع
---------------
يوم موتي إنشريه في المجله والجريده
بس أرجو تمسحيني من سجلك والوثايق
وقبل ذلك ودي أسأل..إنتسابك لأي عقيده؟
جاوبيني واقتليني واشعلي الجثه حرايق
--------------
لا تنصدم لا قلت أنا اليوم مابيك
القلب عافك وإنتها اليوم دورك
مرتاح أنا بلياك لا صرت ناسيك
خل الهموم اللي زارتني تزورك
يالله توكل لا تجيني ولا أجيك
يالله حبيبي روح رتب أمورك
الوردة تريد منكم اجمل الردووووووووود
الإثنين أغسطس 11, 2014 5:56 pm من طرف 
