تحشيش ريال مدريد

اليوم رحت لملعب الميناء

اشو شفت لمة صايرة كلت خير ان شاء الله

سألت واحد هناك گتله شصاير

گال اليوم بالتسعة بالليل الميناء ويه ريال


فأكيد لازم اشوف اللعبه

علمود اضحك شويهه

اول شي بطاقة الدخول اكو حسب الطلب

للصغار ب 10$

للوسط ب 25$

للكبار ب 100$

واذا تريد يفصلولك بطاقة انطيهم الطول والعرض وهمة يسووهة


اني دخلت بدون ماادفع فلوس اصلاً

لان اول مشافوني همة نطوني فلوس
نياا

فرحت انا الساعة بال 5 العصر علمود اكعد يم الشباك
اقصد اكعد ليكدام

ضليت كاعد كلت بين ماتصير بالتسعة

خلي انام
فغفيت وحلمت احلام سعيدة بأنوا ريال حيخسرون 7-1 من الميناء

طبعاً اني اتمنى يتحقق الحلم

صارت بالتسعة الة خمسة

بدوا يطلعون اللواعيب)

طبعاً اول مطلعوا بعدهم مبادين

نزلوا الجمهور مال الميناء خطفوا كرستيانو وكلولهم مانرجعه الة تنطونة فدية خمس كواله


كالوا الريال عدنة احسن منة

الحكم طبعا من جماعتنة

اول مصوفر صافورة البداية

هية صافرة مال بداية

هية ضربة جزاء للميناء

وطرد كاسياس

فأجة حارسهم الثالني بدالة

جان يكول الحكم هاي الجزاء تنحسب جزائين لان صار بيهة تبديل كولجي

تكول ديلعبون بالفلكة مال ساحة الطيران

اول ضربة انضربت صدهة الكولجي

صوفر الحكم كال تسلل على ريال تنعاد الضربة

المهم انضربت الضربتين

وثنيناتهم كول

فالحكم كال كل كولين كول مجاني

فصارت 0 - 3 للميناء

الحكم راسا نهة الشوط الاول علمود ليجيبون كواله ريال

بالربع ساعة الاستراحة

طبعا اكيد طبوا يستريحيون طلعولهم الجماهير

واكلوهم طن كتل مصاير

بدة الشوط الثاني الحكم كال لريال تأخرتوا ثانيتين هاي كولين للميناء
ورة نص ساعه من الشوط الثاني

الرياليين طكت عليهم عبوة

كاموا يلعبون لاعبين

وثنين جرحة

فيعني الميناء كالوا خطية ريال

خلي نكول كول علة نفسنة هسة يكولون علينه احنة كاتليهم ومتفقين وية الحكم

كولوا كول علة نفسهم

الحكم كال ليش تكولون علة نفسكم

فكال والله ماانهي اللعبه اله الميناء يجيبون 2

جابوا ثنين

فوراها الحكم نهة اللعبه

وخلصت اللعبه بفوزالميناء 7 - 1

طبعا اكيد راح تسئلون كرستيانو الخطفة الجمهور وين صار
والحقيقة شهر كامل يدورون عليه واخر شي لكوا
بصناعية حمدان يشتغل شغل كلش قوي ومتعب
حداد يم ابو حمزة وصرح ابو حمزة انه لكاه بعد اسبوع من الحادث بمقبرة الطمر لشركة جيفرة يعيش وي المتسولين
فجابة وياه

هههههههههههههههههههههههههههههههههههه