تكرهني واكرهك هيج انت تريد؟

تكـرهني واكرهك هيجي انت تريد ؟؟
حسبالك سهل ؟؟ مو صعبه علي نسيانك
تكَدر تنسه انته وتكره الحبوك ؟
تكَدر تجرح انت العشكَـ بستانك ؟؟
بس ضكَت الفواكه وانت موطماع
وشميتك ورد مكَطعت ريحانك
لان ضكَتك ضجت تكرهني ليش شبيك ؟؟
وبقسوة تعامل كَليبي الصانك
بعيونك حجي .. اتغيره ليش وياي ؟؟
انه امد وزنك ومألف الحانك
ليش لسانك يغيير حجي العينين ؟؟
ليش تخون عينك انت بلسانك ؟؟
انت كَليبك ابيض شو قسيت وياي !
هسه ادري شعجب شو كثرت الوانك ؟؟
انطيتك عشكَـ ما شفته من الغير
كلي شقدمتلي وانت كدامك ؟؟
ادكَـ بابك اذا شفتك نمت مقهور
واتعذر وأكَلك ردني لحضانك
تجازيني بسهر وصد ضد النوم
عشت وياك اداين عمري لك كل يوم
وانت الماينام بليل ديانـــــــــــــك
ميزانك جنت مكشوف دوم وياك
عليك يهون يمكن تنسه ميزانك ..؟..
تجرحني واشوفك تضحك بكل صوت
وما يغلط ابد بعيوني نيــــــشانك
طير انه ولكَيتك بيك كوم اغصان
كَلت ارتاح يمك واغفه بحضانك
وكَفت انه اعله غصنك ما قصدت ااذيك
اشو بلا ريح وخرت مني اغصانك
قصدك واضح ادري تريد اطير ابعيد ..
هاذ انه وطرت من جنة اوطانك

مع تحيات مجنون المنتدى

كلش حلو الشعر بس من تقصد بي الله عليك هههههههههههههههههههههههه
:D :D :D :D :D :D :D