كافي لخاطر الله ولاتعذب الروح

كافي لخاطر الله ولاتعذب الروح
هيه الروح كّّّّّّلّّّلّّّّّّي شباقي من عدهه
خيط العنكبوت بعاصفة شمات
وانته تريد كلبي المنتهي يصدهه
اريد اشرح قضيتي البلعشك وياك
وأراء الوفه ال بالشوك افندهه
على عرش الكلب تووجتك وخليت
الك الروح خادم وانته سيدهه
دحمد الله واكعد نعمه بيدك هاي
جفيت النعمه بيدك والله تفكده
تنهب الكلب نهب الحواسم ليش
تفعص روحي بيدك حيل تمردهه
بعد ماكو مكان بكلبي تجرح بي
جبتلي جروح جدد وين اكعدهه
انه الي استاهل والف حيل وياي
تحرك بيه نارك واني امجدهه
واشرب حنظلك وبصوت اصيح الله
واكلك جيب كاسك ماكلت ردهه
كل ساعة اتحلف كلت راح انساك
لجن وسفه والف ياحيف موكدهه
من روحي اطردك بالف يارحمن
ارد الكاك بيه وروحي طاردهه
امسح ذكرياتي واقفل الدلال
ترجع تخط بيهه طيوفك تردهه
اعد الزينه الك واثني بثنائي عليك
واتغاضه عالشينه وابد مااعدهه
ردت اكسر عيونك ردت أّثثر بيك
عفيه عيون وكحه وشنهو اليسدهه
هسه انته هجرتني وكلت الله وياه
الجروح التركهن خلي اضمده
ورغم بعدك علي وترش عليه سهام
مسمومه وبمبرد حقد باردهه
كل هذا سويته شبيه ماانساك
عايش ويه روحي وخاتل بسدهه
سكنت بعين روحي البجت يامه عليك
تطيح وي الدمع وتجلّب بخدهه