ليش تزعل~~~~~~~~~

ليش تزعل من اكولن ياعلى
ولو جبت طاريه واذكر سيرته
ليش تزعل من اكولن ياعلى
وعندك الميزان تختل كفته
الزعل ميفيد والعله تطول
واليعرف دواه هانت علته
حدر جفنك عين غطاهاالظلام
وبالظلام اشلون تبصرصورته
الشمس رمحين والدنيه نهار
واليريدايشوف يترك ظلمته
لاتظل محتار والمثلك يحير
من يشوف ابعين غيره السبكته
اسال التاريخ وسنينه تجيب
ياهو العاده ودامت فرحته
هذا ابو الحسنين ابن عم الرسول
وزهرة المختار واحة دوحته
هو بالاصلاب والذر والوجود
نوره من نور الرسول وطينته
لاولد كبله ولابعده يصير
كرمه الرحمن صار ابكعبته
شاهد ومشهود الشق والجدار
امه باشرف بيت واقدس وضعته
تندب النسوان من تطلك على
وامه ندبت بيه يوم الجابته
وانت من تنظام اندب ياعلى
وشوف ابو الكلفات شنهو وكفته
قطب كلها اتدور حوله ومايدور
ينحدر عنه السيل واصف حالته
لا نكر سنه ولاجانه بجديد
وهو للمختار عاكس صورته
سيد لميدان ساحات القتال
والنصر معكود دوم برايته
قاهر الفرسان واعتاهم يطيح
بيده والصمصام يندب قسمته
تشهد الخندق اله وبدر وحنين
واحدوخيبر تشهد صولته
لاتبع مدبر ولايكتل ضعيف
وانطه حك السيف قيمه لضربته
سفر كله افعال ولشخصه تلوك
والعلم مديون يبقى لحكمته
مرجله واقدام وعزه وشموخ
والبلاغه اتفيض شهد ابكلمته
لقبه المختار ابو تراب ابدليل
وامه بالالقاب حيدرسمته
لاهجر زمزم ولابارح حطيم
وهجرة المختار سبكة هجرته
اخى من اخاه من اخى الرسول
وبالمباهل جان نفسه وحجته
كافل الايتام وابسط من بسيط
ودرة الايمان تاجه وحلته
هو بالمحراب اضعف مايكون
وحالة التخشيب تردف سجدته
لهذا ابن ملجم سهل فعله اللعين
وبيها اشقى الناس نفذ غدرته
كلمن العاداه رد خاسر ذليل
وكلمن الوالاه فاز ابنيته
بلسم المهموم والصعبه تهون
لو تعنه وراد يكصد حضرته
شمس بينه ايصير لو هدنه الظلام
وصبر عالصعبات ناخذ حالته
فرق بين التوده ومن تجيه ملهوف
وفرق بين الراد فرض مودته
وفرق بين التزوره وينطى مراد
وفرق بين اليريد مراد منك حضرته
هذا ما عندى لابن عم الرسول
نفحه من بستان عطره وروضته
واخر المشوار يعذرنى الامير
تعجز الاوصاف توصف حالته
تعجز الاوصاف توصف حالته