اليوم احسن التحشيش من تاليف*سيروان*

حبيت اسولفلكم شويه عن اشياء سويته و صارت بيه:
1- مره من المرات كمزت زروك بنهر دجله فضليت اغوص الى ان وصلت فد منطقه لكيت جوه المي قطعه عليهه طين مسحته جان اقره قطعه المحيط الاطلسي يرحب بكم - للعوائل فقط
2- مره من المرات بالغابات مال افريقيا دا امشي اشو على غفله طلعلي اسد وكف كبالي و كام ايعيط و يفتح حلكه المهم اني اتحضرتله كفيت اردان القميص مالتي جان اسويله حركة مال كونفو المهم اشو كمز عليه و فاتح حلكه بهل الاثناء مديت ايدي بداخل حلكه و وصلته لذيله من الداخل و جان اسحبه قوي اشو ما اشوف الاسد اله انكلب عل البطانه !!!!!!!!!!!!!!!!!
3- سنة 500 اتذكر جان عندي حصان تيوتا فور ويل درايف بس مو زين جان يصرف حشيش هوايه فبدلته بحصان النترا علمود اربعه سلندر كام بالاسبوع يصرف كيلو حشيش وين ذاك جان بين يوم و يوم كيلو و نص حشيش


وبعد اكو انزل




شلونكم شباب

مرة من المرات بالتسعينات جانت عندي سيارة دولفين اشتغل بيهه
على الطريق الاردن والطريق حافظة طسة طسة وداعتك وداعتي وداعت جهالة ...
المهم ماطول عليكم الصوندة اجة المي [img]] لا لا جديات جانت وياية مرة
عجوز شايلة صرة مال هدوم وغراض كومة ... هو اذن الظهر حركت
من عمان مشيت مشيت 5 ساعات وصلت طريبيل بالخمسة

المهم عبرنة الحدود وهم مشيت حوالي ساعة وصلت الرطبة وهناك كامت تعتعت السيارة
كلت جاك الموز يل تزلك بكشرة ( ترة هاي هسة جتني مال موز )
المهم السيارة صفرت بانزين ....والكيج مال بانزين محصور بيه صرصر
او واكف على النص عبالي بيهه بانزين ...
شسوي شسوي ولا طير بالطريق وهاي الحجية كلساع
تعيط بيه وهي من ذني الحجيات الحوك ..... المهم الحجية جانت شايلة
جلكانات كلتلهة حجية ذني الجلكانات شبيهن ... عاطت ليش وسكتت ... ورة
شوية كالت حليب كلتلهة اشتريهن منج بيش متريدين .... المهم اخذتهن بذاك
الحساب ودرت نص جلكان بالسيارة ونكرت سلف جغ جغ جغ جغ جم
وماكو شي الحجية كالتلي اكلك لو الفيت بمب
لو النوزلات واكفة (هاي غير حجية!!!) ...
درت سلف مرة ثانية اشتغلت وش وية شوية الكيج كام يصعد شوية شوية مردة
للصرصر مرد لغمطاك الدشبول كوووووووووووولة ...
المهم ماطول عليك الصوندة مااجة المي [السيارة اتخبلت كمت امشي مية
, مية وعشرين , وصلت للمية واسماعيل ... صارت طيارة , الحليب خوش وقود
, المهم وصلت بغداد المغرب ونزلت الحجية بالعلاوي
واشوفلك الشعب العراقي كوووووولة وراية ... اثاري الصلنصة تذب جبن وزبد ...
بخة جبن بخة زبد .... بخة جبن بخة زبد

وانفتحت الدنية بوجهي وفتحت معمل مال البان ولساعني دا اشتغل بنص جلكان حليب والنص اللاخ موجود لساعة

وذاك يوم وهذا يوم









وبعد اكو




فد مرة كاعد امشة بالشارع فاتت طيارة من فوكاي ذبت عنقودي الشارع كلة انملة عتقودي واني ولى وحدة اجتني ليــــــــــش ماادري
هاي فاتت ابسلام .
صار هدوء رحت للشغل احمل اجت اتريلة مال ببسي كلهم ايشيلون 1سيت اني اشيل 100 سيت صدق او لا تصدق وراهة رجع السايق مال التريلةكتلة اوكف اتراهنة اذى انام جوة التريلة تطينياهة قبل السايق نمت هوة حرك سحكني ومشة بخلهة رحت ورا اركض لزمتة خذيت التريلة ورجعت للبيت

زين خوش تاليف ههههههههههههههههههههههههههههههه