شايف عطش تموز لو كطعوا الماي
هيج اني كلبي عليك من تكطع وياي
شوف احنه من نشتاك هال اسمع شلون
نوزع سبيل نكوم من دمع العيون
حسبالك اني انساك من كثر الفراك
بالعكس كلما طال اني الك اشتاك
نويت ارسلك ورد لكيت الورد سابقني
كتله ليش مستعجل؟كلي الحلو واحشني
ردت ارسل كلمة احبك خفت ماتكفي الحروف
راح ارسلك نور عيني حتى غيرك ما اشوف
مقدر ظروفك زين ادري انت مشغول
بس بالجذب يفلان سويلي مسكول
ظن شتظن مرخوص ظن التريده
بس لا تظن انساك كلش بعيده
يلي تحب تسأل عليه وين مسجك شلقضيه
غيرك طبعك يغالي لو شفت من اذية
لا يمكن عرض الرسالة
تدري ليش ؟؟
لان عمر المشاعر ما كانت رساله ..
مشتاق الك مو موت مشتاق الك موتات
نصهن ام العود والباقي طاسات
اسأل رموش العين شوف شتحاجيك
فوك الجفن مكتوب مالحظه ناسيك
ردت طيفك يلوح بيوم ما لح
وطعم فركاك صار هواي مالح
بعد ماادز رساله وما الح
لان كلما ادز مترد عليه
احطلك نغمة مخصوصه
احط يم الرقم بوسه اذا منك تجي رنه
تصير الدنيه مخبوصه
تغير طبعك ويانه
بعد ميهمك رضانه
صحيح الدنيه تلهي
بس غبنه ومبين غلانه
صدكوني مامرتاح يلروحي عدكم
لو ادري هيج اشتاق ما عاشرتكم
سألت كلبي فراك احباب الروح ممخليني انام الليل؟؟
كال عادي نام الظهر
ما تشوفك العين بس بالكلب مضموم
عبالك ناسيك لا والله انت بالروح مختوم
صح ملتهي بدنياي بس مانسيتك
بين الرمش والعين يالغالي بيتك
مقصر واظل مديون بس ماني ناسي
واسمك يظل مرفوع دوم على راسي
ادري عزيز الكارت وفلوسه كلفه
دزلي خمس سنتات واحسبهه سلفه
انسه البعض معقول حق الله ينكال
بس انته ما انساك لو ميت انشال
انت اجمل صوره عندي انت عنوان الحياة
انت دجله بليله كمره تغازل عيون الفرات
لا تظن يوم ارتاح وافرح بدونك
اتمنى اصير جفون واحرس عيونك
شبدر منا ونسيتونه برساله ما تذكرونه
اخاف الدنيه غرتكم وجبرتكم تعوفونه
افرش عيوني فراش وبرمشي اغطيك
والكلب يصبح بيت وبنصه اخليك
لليل هلاله وللربيع جماله
ولكلبي صديق غالي وحشني كلامه
ياترى كيف حاله ؟؟
دورت كل الناس ماكو بصفاتك
والعسل كله يروح فدوه لحلاتك
روحي احطهه فراش وعمري المخده
وكلبي الك بالصيف سبلت اشده
صدكوني عالخوان دوم انشد بشوك
والخوه يا طيبين بس الكم تلوك
مهما تغيب الشمس نورك يظل عنوان
باجر وهسه وامس تبقى اعز انسان
اهواك اظل اهواك يا منبع الحب
انساك اني انساك سولقهه للدب
حاير شدز اليوم وشكتب رساله
فدوه الك دالي تروح هيه واصاله
لتأمن بدنياك تغدر تراها
كوسوفي حب نرمين وايمن خذاها
يكفي حبيب الروح يكفي بواري
اسست نص بغداد مي ومجاري
كل الناس اله معزه بكلبي
بس انت الك معزتين وخروف
صدكني من اشتاك تلطشلي عله
بودي الزم الحيطان والزكهه كله
وحشنا الصوت والمرسال وخبر عنك يفرحنه
عساك بخير واحسن حال وهذا هو مطلبنه
اجمل صباح لساكن الكلب والروح
شوفتك تكحل العين وتداوي الجروح
مخبل واحبك موت حب يهدم الحيل
وعاد انت شوف شلون حب المخابيل
لوغبتم عن العين وفقدناكم طاري
تبقون بالكلب غالين وحبنا لكم ساري
ننساكم ابد ميصير بس الوكت لاهينه
ونحبكم نظل للدوم ماطول النفس بينه
يله كافي خطيه خلص الرصيد
الإثنين أغسطس 11, 2014 5:56 pm من طرف 
